Эроннинг ядровий дастури бўйича эришилган келишув ушбу давлат ядро қуролига эга бўлмаслигини кафолатлайди, деб ҳисоблайди АҚШ президенти Барак Обама.

“Биз келишувни Эронда режим ўзгариши амалга ошиш-ошмаслигига қараб баҳоламаймиз. Биз уни Эрон билан боғлиқ муаммоларни ҳал қила олиш-олмаслигимизга кўра баҳоламаймиз. Биз уни Эрон ядро қуролига эга бўлмаслигига қараб баҳолаймиз”, – унинг сўзларини келтиради The New York Times газетаси.

Илгарироқ Эрон ҳамда воситачилар олтилиги ядровий дастур бўйича келишувга эришгани хабар қилинган эди. Эрон вакиллари келишув амалга ошганини тасдиқлади. Якуний учрашув бугун бўлиб ўтади. Учрашув якунларига кўра матбуот анжумани уюштирилади.