Россиянинг воситачилар олтилиги билан биргаликда ҳаракат қилиш нияти бўлмаганида Эроннинг ядровий дастури бўйича келишувга эришиб бўлмас эди. Бу ҳақда АҚШ президенти Барак Обама The New York Times газетасига берган интервьюсида айтиб ўтди.
“Биз Россиянинг воситачилар олтилиги билан биргаликда ҳаракат қилиш нияти бўлмаганида Эроннинг ядровий дастури бўйича келишувга эриша олмас эдик”, – таъкидлаб ўтди АҚШ етакчиси.

Унинг сўзларига қараганда, Путин бир неча ҳафта муқаддам унга қўнғироқ қилгани ва Сурия масаласида суҳбат қилганидан Обама жуда руҳланган. Россия Башар Асад режимининг куч йўқотаётганини, Сурия ҳудуди бўлиниб кетаётганини ва ҳокимият ағдарилиши хавфи борлигини ниҳоят тушуниб етди.
“Бу бизга жиддий суҳбат ўтказиш имконини берди”, – таъкидлади АҚШ етакчиси.