Ўзбекистон божхона органлари 2015 йилнинг биринчи ярим йиллигида қарийб 100 кг гиёҳванд модда ўтказилишини тўхтатиб қолган. Бу ҳақда давлат божхона қўмитаси вакилига таянган ҳолда РИА Новости агентлиги хабар бермоқда.
“Мустақил равишда ҳамда бошқа ҳуқуқ-тартибот органлари билан ҳамкорликда ўтказилган тадбирлар натижасида жорий йилнинг олти ойи давомида 96 кг гиёҳванд моддалар ва 12 минг психотроп таблеткалар ушлаб қолинган”, – унинг сўзларини келтиради агентлик.
2014 йили мамлакатда гиёҳванд моддалар контрабандаси билан боғлиқ 177 хатти-ҳаракат фош этилган, 202 кг наркотик моддалар мусодара қилинган.