Аргентина терма жамоасининг собиқ ярим ҳимоячиси Пабло Аймар ўз футболчилик фаолиятини якунлашга қарор қилди.

Canchallena нашрида ёзилишича, футболчининг тиззасидаги жароҳат бунга сабаб бўлган.

У бироз олдинроқ, "Ривер Плейт" жамоасининг янги футболчиси сифатида таништирилганди. Аммо бу жамоанинг бош мураббийи Марсело Гальярди унинг асосий таркибга киритилмаслигини айтган ва Аймар бутсаларини михга олишга қарор қилган.

Маълумот учун, айни дамда 35 ёшда бўлган Пабло Аймар ўзининг ёрқин футболчилик фаолияти даврида "Валенсия" шарафини ҳимоя қилган, кейинчалик "Сарагоса" ва "Бенфика" жамоалари сафида тўп сурганди.