Кремль вакили АҚШ президенти Барак Обаманинг россиялик ҳамкасби Владимир Путин номидан Сурия раҳбари Башар Асад ҳақида айтган гапларини тасдиқламади. Бу ҳақда ТАСС агентлиги хабар бермоқда.
Илгарироқ АҚШ президенти Путиннинг Сурия масаласидаги қўнғироғидан руҳланганини айтиб, Россия Башар Асад режимининг куч йўқотаётганини, Сурия ҳудуди бўлиниб кетаётганини ва ҳокимият ағдарилиши хавфи борлигини ниҳоят тушуниб етганини айтди.
“Путин менга бир неча ҳафта муқаддам қўнғироқ қилгани ва Сурия масаласида суҳбат қилганидан жуда руҳландим”, – деди у The New York Times газетасига берган интервьюсида.
“Телефон суҳбати ҳақидаги хабарномада ўзимиз зарур деб ҳисоблаган барча ахборотни келтирганмиз”, – деди Россия президентининг матбуот котиби Сергей Песков.
Икки давлат президентлари 26 июнь куни телефон орқали мулоқот қилган эди. Ўшанда Песков суҳбат давомида асосий урғу террорчиликка қарши курашга берилганини таъкидлаган эди. Кейинчалик у суҳбат чоғида Путин Россия Суриядаги ихтилофнинг бартараф этилиши Асаднинг ҳам иштирок этиши айтилганини қўшмича қилди.