Қирғизистон президенти Алмазбек Атамбаев Хитой билан “Шимол-Жануб” автойўлининг қурилиши бўйича кредит шартномаларини ратификация қилиш тўғрисидаги қонунни имзолади. Бу ҳақда президент матбуот хизматига таянган ҳолда Қирғизистон телеграф агентлиги хабар бермоқда.
Ҳужжатлар тўплами Хитой ҳукумати ҳамда Хитой экспорт-импорт банки билан тузилган иккита шартномани ўз ичига олади.
Келишув тилга олинган банк томонидан “Шимол-Жануб” автомобиль йўлининг Арал ва Қазарман қишлоқлари ўртасидаги 96 км ли участкасининг қурилишини молиялаштириш учун 300 млн доллар ажратилишини кўзда тутади. Шу участкада 700 м ли туннель қурилади.
Автотрасса қурилишининг биринчи босқичи шу банк томонидан 2013 йили ажратилган 400 млн кредит ҳисобидан амалга оширилмоқда.