Украина ва Канада янги эркин савдо ҳудуди яратиш ҳақида келишиб олди. Бу ҳақда Канада бош вазири Стивен Харпер Украина бош вазири Арсений Яценюк билан музокаралар натижаларига кўра маълум қилди, деб хабар бермоқда Reuters ахборот агентлиги.

Харпер Украина ва Канада ўртасидаги савдо ҳажми унча катта бўлмай, йилиги 272 млн долларни ташкил қилаётганини тан олди.

Канада бош вазири бу келишувнинг имзоланиши муҳим рамзий маънога эга эаканлигини таъкидлаб ўтди.

Аввалроқ Канада Украинага демократияни қўллаб-қувватлаш сифатида 12,1 млн доллар ёрдам пули ажратиши маълум қилинганди.