Россиянинг Анапа шаҳрида меҳнат муҳофазаси талабларининг бузилиши оқибатида икки Ўзбекистон фуқаросининг ҳалок бўлиши юзасидан жиноий иш очилди. Бу ҳақда Краснодар ўлкаси тергов бўлими матбуот хизмати хабар бермоқда. 

Аниқланишича, Юровка қишлоғида фаолият юритиб келган вино қуювчи базада ишлаётган 20 ва 23 ёшли ўзбекистонлик икки ишчи шу йилнинг 4 июль куни 54 минг л суюқлик сиғдирадиган контейнерни тозалаётган пайтда спирт буғларидан заҳарланиб ўлган. Улар ҳужжатсиз ишлаган ва ҳимоя воситаларига эга бўлмаган.
Айни пайтда суриштирув ишлари давом этмоқда.