Apple уч йилдан бери биринчи марта iPod Touch мусиқий плеерини янгилади. Энди ускуна тезкор процессор ҳамда яхшиланган камерага эга.
Янгиланган iPod Touch’нинг процессори қуввати жиҳатидан iPhone6 ва iPhone6 Plus смартфонларига ўрнатилган чиплари билан бир хил. Компания матбуот хабарномасида айтилишича, процессор илгариги моделдагидан олти баробар тезроқ ишлайди.
Орқа камера 8 Мп ечимга эга. Плеернинг илгариги версиясида бу кўрсаткич 5 Мп га тенг эди. Олд ва орқа камералар секундига ўнтагача сурат олиши, секундига 120 кадр частотали видео тушириш имкониятига эга. Экран ҳажми ўзгармади – 4 дюйм.
iPod Touch ишлайдиган iOS 8.4 платформасига Apple Music учун янги илова қўшилди. Корпус беш ранг форматида чиқарилади: тилларанг, кумушранг, кулранг, гулоб ва кўк.