1976 йили Қирғизистоннинг Ўш вилоятида туғилган Азамат Ҳусанов давлат чегарасини икки марта қасддан бузганликда айбланиб қўлга олинди. Бу ҳақда “Огоҳ” газетаси хабар бермоқда.
Айтилишича, Ҳусанов 2011 йили Андижон вилояти Қўрғонтепа туманида Қирғизистон фуқаролик паспортини йўқотиб қўйган. Уни тиклаш учун у Хонобод чегара постини четлаб, айланма йўлдан Ўзбекистондан Қирғизистонга ўтган.
У 2013 йили ҳужжатларини тиклаб, яна ноқонуний равишда Ўзбекистонга ўтган. Бу билан у икки марта чегарани бузган.
2014 йилнинг февралида Ҳусанов Тошкент шаҳрида Шайхонтоҳур туман ИИБ ХЧК ва ФРБ ходимлари томонидан ўтказилган махсус тадбирда қўлга олинган.