Америкалик миллиардер ва АҚШ президентлиги учун сайловга республикачилар партиясидан ўз номзодини қўйган Дональд Трамп ўзининг молиявий аҳволи ҳақидаги ҳужжатларни оммага ошкор этди. Бу ҳақда Ассошейтед Пресс нашри хабар ёзган.

Ҳужжатлардан маълум бўлишича, Трампнинг умумий бойлиги 10 млрд доллардан ортиқни ташкил этади. Бу ҳолатда, Трамп АҚШ тарихида президентлик учун ўз номзодини қўйган энг бадавлат киши сифатида қайд этилади.

Бироз олдинроқ, америкаликлар ўртасида ўтказилган сўровнома якунларига кўра, Трампнинг нуфузи унинг республикачи номзодлар орасидаги асосий рақиби сифатида қаралаётган Жеб Бушникидан ошиб кетгани маълум бўлганди.