Коллежни битирибоқ турмуш қурганлар ва қариндошлар ўртасидаги қуда-андачилик танқид остига олинди

Жамият 16 Июль 2015 3799

Ўзбекистонда ўрта-махсус билим юртини битирибоқ уйланган йигитлар ва турмушга чиқаётган қизлар танқид остига олинди. Бу ҳақда мақола «Оила даврасида» газетасида чоп этилган.

«Оила қанчалик муқаддас эканини билмайдиган ёки у ҳақда тўлиқ тасаввурга эга бўлмаган ёшлар ҳали улғаймасдан аччиқ қисмат домига тушиб қолаётгани нақадар ачинарли. Афсуски, ёшларнинг бундай аҳволга тушишларига баъзан ўз ота-онаси ва яқинлари сабабчи бўлмоқда. Улар фарзанди ёш бўлишига қарамасдан уни узатиш, уйлантириш ҳаракатига тушиб қолишади. Ҳали оғзидан она сути кетмаган ёшларнинг зиммасига оила деган муқаддас ва ўта масъулиятли бурчни юклайди. Коллежни эндигина тамомлаб, олий ўқув юртида ўқишни ният қилиб турган йигит қайсидир қариндошининг қизига совчи келаётгани учунгина (ўша қиздан қуруқ қолиб кетмаслик илинжида) бўйнига «олахуржун»ни осишга мажбур этилишини қандай изоҳлаш мумкин?», деб ёзилади мақолада.

Шунингдек мақолада яқин қариндошлар ўртасида қайд қилинаётган никоҳлар ҳам кескин танқид остига олиб ўтилган. «Қариндошлик алоқаларини мустаҳкамлаш мақсадида яқин қариндошлар билан қуда-андачилик ришталарини боғлайдиганлар йўқ эмас. Бу билан ўз фарзандимиз орзу-умидларини ҳою ҳавасларимизга алмаштириб юборамиз. Ахир, оила севги-муҳаббат, ишонч асосида барпо этилмайдими? Қариндошчилик алоқаларини бошқа йўл билан мустаҳкамласа бўлмайдими? Ахир, фарзанд қайсидир манфаат йўлида қурбон қилинадиган бир буюм эмас-ку. Ёшларнинг ҳам ўз мустақил фикри, орзу-ҳаваслари борлигини наҳот инкор эта олсак?!», деб алоҳида таъкидланади.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44416 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 61774 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34141 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19312 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 73809 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59898 Жамият
Навоий вилоятида қўшмачи эркак қўлга олинди
16:45 1135 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Араб коалицияси Ямандаги меҳмонхонага авиазарба берди
16:35 737 Жаҳон
Кўпроқ янгиликлар