Россия пойтахти Москвадаги Қозон вокзалида портлаш содир бўлди. Бу ҳақда НТВ телеканали хабар тарқатди.

Манбанинг ёзишича, Россия ички ишлар вазирлиги марказий федерал округи вакиллари мазкур воқеани тасдиқлашган ва ҳозирда ҳодиса сабаблари бўйича суриштирув олиб борилаётганини билдирган.

Вокзал ходимларининг гувоҳлик беришича, қандайдир номаълум қурилма 249 сонли ячейка ичида портлаб кетган. Портлаш кучи ҳозирда номаълум бўлиб қолмоқда. Воқеа натижасида жабрланганлар қайд қилинмаган.