ОАВ: Мэйуэзер 12 сентябрда ҳамюрти Берто билан жанг ўтказади

Спорт 16 Июль 2015 1126

АҚШлик машҳур чарм қўлқоп устаси Флойд Мэйуэзер 12 сентябрда бўлиб ўтадиган ўзининг фаолиятидаги охирги жанги учун рақибини аниқлаштириб олди. Sweet Science нашрининг маълум қилишича, Мэйуэзер ҳамюрти Андре Бертога қарши рингга тушади.

Манбанинг маълумотларига кўра, Мэйуэзер ушбу сўнгги жанги учун 30-35 млн доллар атрофида гонорар олиши мумкин. Бу жанг боксчининг “Шоутайм” телеканали билан 6 жангга тузган шартномасидаги сўнгги жанг бўлади.

Нашрнинг қайд этишича, агар Мэйуэзер жангда ютадиган бўлса, ўз фаолиятини давом эттириши ва “Шоутайм” билан янги шартнома имзолаши бўйича музокаралар олиб борилмоқда.

Телеканал раҳбарлари ҳамда боксчиларнинг вакиллари ушбу ҳолатга изоҳ беришдан бош тортишди.

Мэйуэзер 3 майда Лас-Вегасда филиппинлик боксчи Мэнни Пакьяога қарши ўтказган ўзининг охирги жангида 66,68 кг гача вазн тоифасидаги учта камарни ўзида тўплашга муваффақ бўлди.
Бироқ боксчи 7 июль куни муайян сабабларга кўра улардан бири – ВБО унвонидан маҳрум этилди.

Мэйуэзернинг ҳисобида 48 та учрашувдан 48 та ғалаба, 31 ёшли Берто ҳисобида эса 30 та ғалаба ва 3 та мағлубият бор. Берто ўзининг сўнгги жангида ҳамюрти Хосесито Лопесни мағлубиятга учратиб, ВБА нинг “вақтинчалик” жаҳон чемпиони унвонини қўлга киритди. Шунингдек, Берто 2008-2010 йилларда ВБС талқини бўйича ва 2011 йилда ИБВ талқини бўйича жаҳон чемпиони унвонларига эгалик қилган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97410 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47041 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52000 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9459 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20247 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 877 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 340 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1382 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 1945 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 879 Жаҳон
Кўпроқ янгиликлар