Ўзбекистон мева-сабзавот экспорти ҳажми 700 минг тоннадан кўпроқни ташкил қилмоқда

Ўзбекистон 16 Июль 2015 4113

15 июль куни Ўзбекистон Иқтисодиёти вазирлигида маҳаллий ОАВлар вакиллари иштирокида асосий мева-сабзавотчилик турлари етиштириш ҳажмини ошириш ва Ўзбекистон аҳолисининг ушбу маҳсулотларга бўлган эҳтиёжини таъминлаш масалаларига бағишланган матбуот-анжумани бўлиб ўтди.

Ушбу тадбирда республикада мева-сабзавотчилик ва узумчилик соҳасида амалга оширилаётган чора-тадбирлар муҳокама қилинди, ушбу соҳаларнинг ривожланиши ва эришилган натижаларга таъсир қилувчи омиллар қайд этилди.

Охирги йилларда пахта ўсимлиги майдонларини қисқартириш ва озиқ-овқат ўсимликлари, шу жумладан ғалла, сабзавот, полиз экинлари, картошка экиш майдонларини кўпайтириш бўйича босқичма-босқич ислоҳотлар амалга оширилиб келинмоқда.

Натижада ғалла экинларининг умумий экин майдонларидаги улуши 1991 йилдаги 25,7 фоиздан 2014 йилда 45 фоизгача, картошка ва полиз-сазбавот экинларининг улуши 8,8 фоизгача ошди, техник экинларнинг солиштирма оғирлиги 41,9 фоиздан 35, 4 фоизгача камайтирилди.

Шунингдек, мева-сабзавотчилик ва узумчилик ҳам тез суръатлар билан ривожланмоқда ҳамда Ўзбекистон аҳолисини озиқ-овқат билан таъминлашда салмоқли улуш қўшмоқда.

Охирги 5 йил ичида полиз-сабзавот ва картошка экин майдонлари 19 фоизга оширилди ҳамда боғдорчилик ва узумчилик майдонлари 11 фоизга кенгайтирилди.

Айни пайтда барча суғориладиган қишлоқ хўжалиги ерларининг 20 фоизи мева-сабзавот маҳсулотларини етиштириш учун фойдаланилади, ушбу соҳанинг қишлоқ хўжалиги маҳсулотларини етиштиришдаги улуши 41 фоизни, экспортидаги улуши эса 43,4 фоизни ташкил қилади.

Охирги етти йил ичида 36,8 минг гектар янги боғ ва 35,3 янги узумзорларни ташкил қилиш йўли билан 57,8 минг гектар боғ ва 37,6 минг гектар узумзор реконструкция қилинди.

Охирги 5 йил ичида илғор хорижий тажриба асосида томчилатиб суғориш замонавий технологияси ва бошқа инновацияларни қўллаган ҳолда 23,5 минг гектар (барча боғлар умумий майдонининг 9 фоизи) юқори ҳосилли боғлар яратилди.

2009-2015 йилларнинг ўзидаёқ 2,6 минг иссиқхона хўжаликлари яратилди.

Охирги 10 йил ичида мева-сабзавотчилик ва узумчилик хом ашёсини қайта ишлаш ҳажми 4,2 баробарга, яъни 2004 йилдаги 557 минг тоннадан 2014 йилдаги 2320 минг тоннагача ошди.

Мева-сабзавот маҳсулотларини сақлаш моддий-техник базасини мустаҳкамлаш ва ривожлантириш чора-тадбирлари дастури доирасида бир вақтда сақлаш 231,8 минг тонна маҳсулотни сақлай оладиган 347та замонавий омборхона қуриб, фойдаланишга топширилди ва 49,8 минг тонна сиғимга эга 80та мавжуд музлатиш камералари модернизация қилинди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31975 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17805 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 69123 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58355 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 4341 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9966 Жаҳон
Кўпроқ янгиликлар