“Таҳрики Толибон Покистон” гуруҳи жангарилари Покистон ҳукумат қўшинлари томонидан мағлуб этилди. Булужистонда олиб борилган ҳарбий амалиётларнинг жангариларнинг бутунлай сиқиб чиқарилишига ёрдам берди.

“Жангарилар мағлубиятга учратилди, биз уларнинг Билужистондаги илдизини қўпориб ташладик, – деди хавфсизлик кучлари катта ходими Муҳаммад Имрон “Ўрта Осиё интернетда” нашрига берган интервьюсида. – Биз яқинда Билужистоннинг чегара туманларида диний ходимлар ниқоби остида тарғибот олиб бораётган жангариларни қўлга олдик”.

Унинг сўзларига қараганда, 2014 йил июнида Шимолий Вазиристонда бошланган “Зарби Азб” операциясидан сўнг миллий хавфсизлик органлари тинимсиз равишда вазиятнинг ривожини кузатиб борган.

Шимолий Вазиристондаги мағлубиятдан сўнг жангарилар чекиниб, Билужистонда ўз таъсирларини тиклашга ҳаракат қилишди. Расмий ҳисоботда айтилишича, улар ўзларини маҳаллий аҳоли вакиллари ёки афғонистонлик қочқинлар қилиб кўрсатишга интилган. Шунга қарамай, уларнинг аксарияти қўлга олинган.