Токиода қуролли кучларнинг ваколатларини кенгайтириш тўғрисидаги қонуннинг қабул қилинишига қарши оммавий норозилик намойишлари ўтказилмоқда. ТАСС агентлигининг хабар беришича, намойишда 20 минг киши иштирок этмоқда.

Илгарироқ Япония парламенти қуйи палатаси ҳарбийларнинг ваколатларини кенгайтириш тўғрисидаги қонунни маъқуллагани хабар қилинган эди. Бундай қарор кўплаб эътирозларга ва бош вазир Синдзо Абэ рейтингининг тушишига олиб келди. Бош вазирнинг фикрича, мамлакатнинг хавфсизлик масаласидаги қатъий позицияси янги таҳдидлар, шу жумладан, Хитойнинг фаоллашувига жавобдир.