Украина бош вазири Арсений Яценюк Россия президенти Владимир Путинни Украина халқини йўқ қилмоқчи бўлаётганликда айбламоқда. Бу ҳақда РИА “Новости” ахборот агентлиги маълум қилди.

Яценюк бу ҳақда Лондондаги Халқаро муносабатлар Қироллик институтидаги нутқи давомида айтиб ўтди.

“Президент Путиннинг вазифаси Украинани босиб олиш, украиналикларни халқ ва Украинани давлат сифатида йўқ қилишдан иборат. Украина билан содир бўлган воқеалар бутун дунёга хавф солади. Россия барқарорлик ва хавфсизликка таҳдид ҳисобланади. Россияга нисбатан ягона ёндашув керак. Келинг кучли бўламиз”, деб айтди Яценюк.

Яценюк Путин Россия интилишларининг тимсоли эканлигини айтди.