"Ювентус" ва "Бавария" жамоалари чилилик ярим ҳимоячи Артуро Видалнинг трансфери борасида музокараларда келишувга эришган.

Sky Sports нашри хабарига кўра, 28 ёшли ушбу футболчи учун 40 млн евро тўланади. Видалнинг агенти Мюнхенга шахсий шартнома бўйича музокара ўтказиш учун жўнаб кетган.

Хабар қилинишича, Видалга 4 йиллик шартнома бўйича ҳар йили 6,5 млн евродан маош тўлайди.

Маълумот учун, Видаль ўтган мавсумда "Ювентус" билан Италия чемпионатининг 28 ўйинда майдонга тушган ҳамда 7та гол уриб, 4та голли пас узатган.