2015 йилнинг 3 июнь куни РусПрес сайтида эълон қилинган “Павел Дуровнинг миллионлари” номли материалда тижоратчи ва филантроп, миллиардер Алишер Усмонов “муқаддам судланган” деб аталганди. Шунингдек, Британия элчиси Крейг Мюррейнинг сўзларига таянилган ҳолда, у бошқа жиноятлар қаторида зўравонликда айблангани таъкидланган эди.
Бунинг юзасидан Усмоновнинг матбуот хизмати ўз изоҳини берди. Раддия РусПрес сайтида нашр қилинди.

Мактубда таъкидланишича, Алишер Усмоновга қўйилган бундай айбловлар асоссиздир. 1980-1986 йилларда жазо муддатини ўтаган Усмонов сохта иш бўйича айбланган эди. 2000 йили Ўзбекистон Олий суди унга нисбатан ўқилган ҳукмни адолатсиз деб топиб, Усмоновни тўла оқлади. Бундан ташқари, Усмоновга қўйилган айблар ичида зўравонлик бўлмаган. Шу тариқа, Алишер Усмоновга нисбатан “муқаддам судланган” формуласини ишлатиш ҳақиқатга мос келмайди ҳамда суд томонидан чиқарилган якуний қарорга зид келади.