АҚШнинг NASA космик агентлиги томонидан тайёрланган анимацияда Плутон сайёраси борасида 85 йил давомида амалга оширилган кузатиш ишлари акс этган. Анимация 1930 йилдан буён сайёрадан олинган суратлардан тузилган.
Шунингдек, унда 25 йил муқаддам инсонларнинг биринчи марта сайёрага келиб тушиши кўрсатилган.

Биринчи кадрлар 1930 йилга оид. Ўшанда Плутон Клайд Томб томонидан аниқланган эди. Ундан сўнг “Хаббл” космик телескопи 1996-2003 йилларда олган суратлар келади. Анимациянинг охирги қисми New Horizons станцияси фотосуратларидан иборат.
Илгари Плутонда бирор ҳаракат кузатилмагани боис олимлар ушбу митти сайёрани ўлик деб ҳисоблар эди. Аммо, охирги кузатишларга қараганда, тахминан 100 млн йил муқаддам у ерда тоғлар шаклланган.
Ҳозир сайёра New Horizons станциясидан кузатилмоқда. 2015 йил 14 июлида аппарат Плутон яқинидан учиб ўтди, унгача бўлган минимал масофа 12.5 минг км ни ташкил қилди. 15 июль куни Ерга сайёранинг бугунга қадар олинган энг батафсил суратлари узатилди.