News.com.au сайтида Украинада фалокатга учраган Boeing MH-17 қулаган жойдан айирмачилар томонидан олинган видео чоп этилди.

Ёзувда айирмачилар воқеа жойини кўздан кечириб, йўловчиларнинг шахсий буюмларни олаётганлари ва қулаш жойини суратга тушираётганларини кўриш мумкин. Видеода сардорлардан бири телефон орқали иккита самолёт бўлганини кимгадир айтмоқда, сўнгра ҳудудни тозалаб, ҳеч нимани суратга олмасликни ҳамда “қора қутилар”ни олишга буйруқ бермоқда.

Видеода ушбу сардор стюардессанинг гувоҳномасини кўрсатиб, бу хорижий самолёт эканини айтмоқда. Унинг суҳбатдоши ундан ким самолётга коридор очганини сўрамоқда.

Аввалроқ АҚШ Давлат котиби Жон Керри самолёт айирмачилар томонидан назорат қилинадиган ҳудуддан уриб туширилганини айтган эди.