Бугунги кунда Ўзбекистон солиқ идоралари ишонч телефонларига тушаётган шикоятлардан кўп қисми савдо ва хизмат кўрсатиш қоидаларининг бузилиши ҳамда пластик карточкалар орқали тўловни амалга ошириш пайтида ишламайдиган тўлов терминаллари билан боғлиқ бўлмоқда.

Ўзбекистон Давлат солиқ қўмитаси матбуот хизматининг хабар беришича, 2015 йилнинг 1 июль ҳолатига кўра, фуқароларнинг давлат солиқ хизмати ишонч телефонларига мурожаатлари асосида ўтказилган назорат тадбирлари натижасида назорат-касса аппаратларига киритилмаган ҳолда 126400,9 минг сўмни ўзлаштириш бўйича 803 та ҳолат қайд этилган.

Бундан ташқари, 533та зарур ҳужжатларсиз савдо ва хизмат кўрсатиш ҳолати, солиқ қонунчилигининг 54 та бошқа қоидабузарликлари қайд этилган. Қоидабузарларга нисбатан тегишли жазолар қўрилган.

Қонуний ҳуқуқларнинг бузилишлари ҳақида давлат солиқ хизматининг ҳудудий идораларига қуйидаги ишонч телефони орқали хабар бериш мумкин: 244-98-98.