Қозоғистон президенти Нурсултон Назарбоев Каспий денгизи сув ва биологик ресурсларидан фойдаланиш тўғрисидаги келишувни ратификация қилиш тўғрисидаги қонунни имзолади. Бу ҳақда Оқ Ўрда матбуот хизмати хабар берди.
Келишув Каспийбўйи давлатлари – Озарбайжон, Эрон, Қозоғистон, Россия ва Туркманистон ҳукуматлари томонидан 2014 йил 29 сентябрда Астраханда имзоланган эди.
Ҳужжатга биноан, мамлакатлар денгизнинг сув ва биологик ресурсларидан самарали фойдаланиш бўйича махсус комиссия тузади. Бақра балиқларидан тижорий фойдаланиш фақат комиссия белгилаб берган жойларда амалга оширилади. Бундан ташқари, бошқа турдаги балиқлар ва сут эмизувчилардан фойдаланишнинг аниқ меъёрлари белгилаб берилади.