Тошкентдаги Grand Mir меҳмонхонасида AIBA Pro Boxing (APB) турнири 60 кг вазн тоифасидаги биринчи силсила ўйинчилари ташкилотчилари ҳамда боксчилар иштирокида матбуот анжумани ўтказилди.
Ўзбекистон маданият ва спорт ишлари вазирлиги, бокс федерацияси, миллий олимпия қўмитаси ҳамда Халқаро ҳаваскор бокс уюшмаси томонидан ташкил этилган мусобақада Ўзбекистон, Бразилия, Германия, Италия, Ирландия, Россия, Бенин ва Филиппин вакиллари иштирок этади.
Анжмуманда ўзбекистонлик боксчи Хуршид Тожибоев ва унинг рақиби Дмитрий Полянскийлар иштирок этди.
“Жаҳон” ахборот агентлиги берган маълумотга қараганда, матбуот анжумани давомида боксчиларнинг вазни ўлчаниб, улар ўз вазн тоифаларини тоифаларини аниқлаб олишди.
Тожибоев ташкилотнинг шу йил май ойида Тошкентда ўтказилган илгариги турнирида ирландиялик боксчи Жойс Дэвид Оливерни мағлубиятга учратган эди. Бу сафар у россиялик Дмитрий Полянскийга қарши жанг ўтказади.
Ҳаваскор бокс турнири “Ўзбекистон” спорт мажмуасида ўтказилади.