"Барселона" клуби президенти Хосеп Бартомеу жамоанинг янги аъзоси Арда Туран ярим йилга бошқа клубга ижарага берилиши мумкинлиги ҳақида айтиб ўтди.

"Туранни ярим йилга бошқа жамоага ижарага беришимиз эҳтимоли катта. Аммо бу борадаги қарорни жамоа бош мураббийи Луис Энрике қабул қилади. Нима бўлган тақдирда ҳам, Туран Чемпионлар лигасида иштирок этмайдиган жамоага ижарага берилади. Бу барча учун фойдали қарор бўлиши кутилмоқда. Алеиш Видал бўйича эса қарор қабул қилиб бўлинган. У жамоада шуғулланишда давом этади", - дейди Бартомеу.

Эслатиб ўтамиз, Туран ФИФА томонидан қўйилган тақиқ туфайли 2016 йилнинг январига қадар каталонияликлар сафида майдонга туша олмайди.

Бундан олдинроқ, Турон ўзининг ижарага бериб юборилмаслиги, Каталонияга бунинг учун келмагани ва ярим йил давомида жамоага мослашиш билан банд бўлиши ҳақида айтиб ўтганди.