Нагасаки префектурасида дунёдаги биринчи робомеҳмонхона очилди. Ушбу меҳмонхона ходимларининг асосий қисми сунъий интеллект соҳибларидир.
Henn-na номли меҳмонхонада айни пайтда 10 нафар механик гуманоид ишламоқда: улардан 3таси ресепшнда маъмур, 4таси швейцар, 2таси хизматкор ва 1таси гардеробчи. Улардан ташқари, меҳмонхонада яна 10та одам ишлайди. Келажакда роботларнинг штатнинг 90 фоизини ташкил қилиши режалаштирилмоқда.

Роботларни ишлаб чиқарган Koroko компанияси биринчи марта гуманоидларга инсон қиёфасини беришнинг уддасидан чиқди. Масалан, ресепшнда ишлайдиган роботларнинг кўриниши ёш япон қизларидан кўчирилган. Улар бир қанча интонацияга эга, шунингдек, меҳмонлар билан япон, хитой, корейс ва инглиз тилларида гаплаша олади.