Актрисалар орасида кўзга кўринган, ёрқин ва қобилиятлилари, бундан ташқари, ҳақиқатан ҳам ўзига хос харизмага эга, ҳеч кимга ўхшамайдиганлари ҳам учрайди. Улар ўз ролларида кулгили ёки хунук бўлишдан қўрқмайдилар. Бу довюраклик билан уларнинг ҳақиқий гўзаллиги намоён бўлиб бораверади. Шундай актрисалардан бири – Алиса Бруновна Фрейндлихдир.

Сайтимиз бундай ажойиб аёлнинг истеъдоди ва донолигини юксак баҳолайди ва унинг ҳаётий нақлларини сиз азизлар билан бўлишишни истайди.

1.Менинг ягона хатойим – ҳаётимнинг тўртдан уч қисмини ҳали ҳаммаси олдинда, деб ўтказиб юборганим.

2.Инсонларнинг бошқа озодликлар билан бирга виждондан ҳам озод бўлганликлари менга ҳеч тинчлик бермайди.

3.Инсон болаликни ўзида қанчалик узоқ сақлаб қола олса, унга берилган табиий истеъдодни ҳам шунчалик кўп асраб қолади.

4.Кимлардадир – иш, яна кимлардадир – тақдир.

5.Бахт бу – севишдир. Бироқ муҳаббат икки ёқлама бўлмаса, уни бахт, деб аташ қийин. Лекин шунга қарамай, қалбан сен бахтлисан, чунки севиш севилишдан кўра кўпроқ ёқимли, хайрли ва муҳимроқдир. Севимли бўлиш – бу албатта, яхши, аммо севиш – бу ичингдан ҳаракатланиш, ўз моҳиятини англаб етиш томон ҳаракатланишдир.

6.Бутун умр болалар адабиётини яхши кўрганман, ҳатто ҳозир ҳам баъзан уларни мутолаа қилиб тураман.

7.Узоқ вақт кутиш қандайдир бир беадабликка ўхшайди. Бу тақдирга нисбатан ноҳақлик ва уни беҳуда сарфлашдир.

8.Ақлнинг интилиши ҳурматни пайдо қилади, қалбнинг интилиши дўстликни пайдо қилади, тананинг интилиши хоҳишни пайдо қилади. Уларнинг барчаси йиғилганда муҳаббат яралади. Агар уларнинг фақатгина биттаси бўлмаса ҳам, сиз ҳамма нарсани оласиз, бироқ муҳаббатга эга бўла олмайсиз.

9.Фақатгина худо берган нарсанинг устида “кетиш” - тезда “отдан йиқилиш”ни англатади.

10.Ҳали ёш пайтинг бирор нарса олишни, ўрганишни истайсан. Ёшинг улғайиб,  анча нарсани ўрганганингдан сўнг эса, уларни кимгадир ўргатишни, куч-ғайратингни ким биландир бўлишишни хоҳлайсан. Қаригач эса, биргаликда ёронгул ўстириш учун ўзингга ўхшайган яна бир кекса керак. 

Мазкур пурмаъно сўзлар актриса берган интервьюларидан олинган.