Интернетда спам миқдори 2003 йилда охирги марта қайд қилинган минимал кўрсаткичга эришди.

Symantec компанияси ўтказган тадқиқотлар натижаларига кўра, таҳлил қилинган электрон мактублардан фақатгина 49,7 фоизи спам бўлиб чиққан. Бу кўрсаткичга интернетда ботнетларга қарши олиб борилган фаол кураш натижасида эришилган. Фирибгарликнинг бошқа турлари миқдори ҳам спам миқдори билан камайган.

Компания таъкидлашича, спам миқдорининг камайиши фирибгарларнинг фойдаланувчиларни алдашнинг янги усулларини ўйлаб топаётганлари билан боғланмоқда.