Ирландиялик футболчи Робби Кин АҚШнинг ESPN кабель телевидениеси тармоғи томонидан таъсис этилган, АҚШ Олий футбол лигаси (MLS )нинг энг яхши ўйинчисига бериладиган мукофотига сазовор бўлди.

Ушбу мукофотнинг совриндори интернет орқали овоз бериш йўли билан аниқланади: фойдаланувчилар ESPN махсус қўмитаси томонидан саралаб олинган футболчилардан бирини танлайдилар. Мукофот июль ойида берилади ва бунда футболчиларнинг охирги 12 ой ичида эришган ютуқлари ҳисобга олинади.