18 июль куни Сурия армияси ва Ливан қаршилик кучлари Дамашқдан шимоли-ғарбий томонда жойлашган Эс-Зибадан шаҳрида уюштирган пистирма оқибатида камида 40 террорчи йўқ қилинди. Бу ҳақда SANA ахборот агентлиги хабар бермоқда.

Агентлик маълумотларига кўра, операция натижасида кўплаб террорчилар яраланган, шунингдек, уларга тегишли қурол-аслаҳа, ўқ-дори ва ҳарбий техника йўқ қилинган.

Эс-Зибадан шаҳри Суриянинг Ливан билан чегераси яқинида жойлашган бўлиб, “Жабхат ан-Нусра” жангарилари томонидан Ливандан Дамашққа террорчилар ташлаш ва қурол-аслаҳа етказиб бериш пункти сифатида ишлатилади.

Сурияда 2011 йилдан бери қуролли тўқнашувлар давом этиб келмоқда. БМТ маълумотларига кўра, бу тўқнашувлар оқибатида 220 мингдан кўпроқ киши ҳалок бўлган. Сурия ҳукумат қўшинлари турли қуролли тузилмаларга тегишли жангарилар отрядлари билан курашмоқдалар. Улар орасида “ИШИД” ва “Жабхат ан-Нусра” террорчилик ташкилотлари жангарилари энг фаол ҳисобланади.