Қозоғистон пойтахти Остонада, Қўнаев кўчасида “Дипломат” меҳмонхонаси ва “Нур Отан” партияси биноси яқинида йирик автоҳалокат юз берди.

Йўловчи автобуси рейс амалга ошираётган пайтда катта тезликда кўча четидаги устунга бориб урилган.

Маълумотларга кўра, 10 дан зиёдроқ одам турли даражадаги жароҳатлар олганлар. Кўпчилик жароҳатланганларнинг қўл-оёқлари синган ва бошларидан жароҳат олганлар.

Йўл-транспорт ҳодисаси жойида тезкор хизматлар иш олиб бормоқда.

Маҳаллий ҳокимиятнинг хабар беришича, автоҳалокат автобус ҳайдовчисининг автобусни бошқараётганда ҳушидан кетиши сабабли юз берган. Ҳайдовчи бирдан ўзини ёмон ҳис қила бошлаган, бироқ бу ҳақда айтишга ва автобусни тўхтатишга улгура олмаган.

Йўл хизмати воқеа тафсилотларини ўрганмоқда.