Индонезия шарқида Гамалама вулқони отила бошлагани сабабли 1,5 минг киши эвакуация қилинди. Бу ҳақда Синьхуа агентлиги хабар бермоқда.

“Бу рақамлар ошиши мумкин”, деб айтди Индонезия табиий офатлар оқибатларини бартараф этиш миллий бошқармаси вакили Сутопо Пурво Нугрохо.

Вулқон шу ҳафтада уйғонди. 18 июлда вулқон 1,5 минг метрлик кул устунини ташқарига отиб чиқарди. Аввалроқ отила бошлаган Синабунг ва Раунг вулқонлари ҳам отилишда давом этмоқда, бу вулқонлар 19 июль куни мос равишда 3 минг ва 2 минг метрлик кул устунини отиб чиқарган.

Индонезияда фаол вулқонлар миқдори 130 тани ташкил қилади. Уларнинг отилиши тез-тез аҳолини эвакуация қилиш ва мамлакатда ҳаво алоқасини вақтинчалик тўхтатиш заруратини келтириб чиқаради.