Москванинг марказий туманларидан бирида полиция автобус бекатини травматик қуролдан ўққа тутган икки йигитни қўлга олди. Бу ҳақда Москва полицияси матбуот хизмати берган маълумотларга таянган ҳолда ТАСС агентлиги хабар бермоқда.
Отишма ҳақидаги хабар 02га шанба куни кечаси етказилди. Ўқлар бекат ойналарини чил-чил қилган, аммо одамларга зиён етмаган. Қонунбузарлар Chevrolet машиналарида воқеа жойини тарк этган.
Жиноятчилар ўтказилган тезкор тадбир давомида қўлга олинди. Машинада уч кавказлик киши бўлиб, иккитасининг ёнидан травматик тўппонча чиқди.