Москва шаҳри марказий округида яшовчи киши икки нотаниш шахс томонидан талон қилиб кетилди. Бу ҳақда Интерфакс агентлиги хабар бермоқда.
Москва полицияси матбуот хизмати тарқатган маълумотларда айтилишича, жума куни кечаси 40 ёшли фуқаро икки киши билан танишиб, улар билан бирга ўз уйида ароқ ичган. Тунгги соат 3:00да янги орттирилган улфатлар уй эгасини дўппослаб, совет даврига оид 12 коллекцион соатни, 2та қимматбаҳо хорижий соатни, 2та ноутбук, 2та мобил телефон ва заргарлик буюмларини ўғирлаб кетган. Ўғирланган буюмларнинг умумий қиймати 4.1 млн рублни ташкил қилган.