Наманган вилоятида бир гуруҳ қорадори сотувчилари қўлга олинди. Бу ҳақда вилоят прокуратураси бўлим АМИБ катта терговчиси Сарваржон Тўхтабоев маълумот берди.
24 ёшли Абдусалом Насриддинов узоқ вақтдан буён гиёҳванд моддалар савдоси билан шуғулланиб келгани аниқланди. У маҳаллий ресторанлардан бирида бир кишига 150 минг сўм эвазига 5.1 гр наркотик сотаётганида қўлга олинди.
Шунингдек, Чортоқ туманида узоқ йиллардан буён мана шундай иш билан шуғулланиб келган 28 ёшли Жаҳонгир Ҳамидов ва 41 ёшли Иброҳим Турғуновлар қўлга олинди.
Дастлаб уларнинг шериги Адҳам Турсунов Илҳом исмли йигитга 40 минг сўмга 0.28 гр гашиш сотаётганида қўлга тушди. Унинг ёнидан яна 1.3 гр шундай модда топилди. Турсунов ўз шериклари ҳақида ҳуқуқ-тартибот органларига кўрсатма берди. Шу тариқа гиёҳванд моддалар савдоси билан шуғулланиб келган гуруҳ тугатилди.