Ўзбекистоннинг теннис бўйича терма жамоаси саккизинчи маротаба Дэвис Кубоги Жаҳон гуруҳининг плей-офф босқичига чиқди.
Тошкентда бўлиб ўтган тўртинчи ўйинда Ўзбекистоннинг биринчи ракеткаси Денис Истомин Жанубий Кореянинг биринчи рақамли спортчиси Хеон Чанг билан баҳслашди.
Биринчи сетда Истомин рақибини 6:1 ҳисобида енгди, иккинчи сетда эса 1:0 ҳисоби қайд қилиб турилган пайтда кореялик ракетка курашни тўхтатди.
Шу тариқа, умумий ҳисоб Ўзбекистон терма жамоаси фойдасига 3:1ни ташкил қилди.
Якуний бешинчи ўйинда Ўзбекистон жамоаси сардори Пётр Лебедь Темур Исмоиловга халқаро учрашувларда тажриба ошириш имконини берди. У Фаррух Дўстов ўрнига Сеонг Чан Хонгга қарши кортга чиқади.