Ўзбекистон меҳнат ва аҳолини ижтимоий муҳофаза қилиш вазирлигида “Ўзбекистонда ногиронларликка эга шахслар ва ёлғиз кексаларга профессионал хизмат кўрсатиш” лойиҳаси кенгашининг йиғилиши бўлиб ўтди. Унда меҳнат вазири Азиз Абдуҳакимов ва бошқармалар раҳбарлари, Стефан Пирснер, БМТ тараққиёт дастурининг масъул ходимлари, лойиҳа ходимлари ва БМТ вакиллари иштирок этди.
Ўз чиқишида вазир ушбу лойиҳадан кўзланган мақсад ёлғиз кексаларга кўрсатиладиган ижтимоий хизматлар сифатини ошириш эканлигини алоҳида таъкидлаб ўтди.
Сўнг лойиҳа раҳбари Яна Чичерина 2015 йилнинг биринчи ярмида олиб борилган ишларга қисқача тўхталиб, иккинчи ярим йиллик режалари борасида маълумот берди. Хусусан, у “Кексалар, ногиронлар ва аҳолининг бошқа қатламларига ижтимоий хизматлар кўрсатиш тўғрисида”ги қонун лойиҳасининг ишлаб чиқилгани, шунингдек, соҳа бўйича иккита ҳукумат қарорларининг лойиҳалари ишлаб чиқилгани ҳамда ушбу ҳужжатлар тез орада муҳокамага киритилиши маълум қилинди.
Мажлис якунларига кўра ҳисоботда берилган маълумотлар маъқулланиб, иккинчи ярим йилликдаги чора-тадбирлар белгилаб берилди.