Голландиялик ҳужумчи Робин ван Перси “Манчестер Юнайтед” жамоаси бош мураббийи Луи ван Гал унга имкон бермаганини айтди.
“Мен ван Гални терма жамоа мураббийи сифатида билар эдим, энди клуб мураббийи сифатида билдим. Фарқини ҳам кўрдим, – деди форвард. – Май ойида у билан суҳбатлашиб, “Манчестер Юнайтед”даги келажагим ноаниқлигини тушундим. Аммо таътилдан сўнг ҳаммасини бошқатдан бошлашни ўйлаган эдим. Илгари ван Гал менга ўз муносабатини билдирган эди. Голландия терма жамоасига бош бўлганда, у мени учинчи ҳужумчи қилиб белгилаган эди. Аммо мен таслим бўлмадим ва биринчи рақамли форвардга айландим. Таътилдан қайтгач эса, “Манчестер Юнайтед”да энди ҳалол рақобат бўлмаслигини тушундим. Менга асосий таркиб учун курашиш имконини беришмади. Мен тажрибали футболчиман”.
“Мен ортиқча туйғуларга берилмадим, – сўзида давом этди ван Перси. – Ҳар қандай вазиятда ҳам энг тўғри қарорни қабул қилиш керак, ва мен “Фенербахче”га ўтиб, шу ишни қилдим”.