Тайваннинг ҳукмрон партияси – Гоминьдан вакиласи Хун Сючжу 2016 йил январида бўлиб ўтадиган сайловларда иштирок этади. Бу ҳақда марказий Хитой телевидениеси хабар берди.
Тайвань ороли раҳбари бу ерда президент деб аталса ҳам, расмий Хитой томонидан орол маъмурияти раҳбари сифатидагина тан олинади.
Сючжу хоним ҳокимият тепасига келган тақдирда партия бирлигини тиклаб, унинг асосларини мустаҳкамлашини маълум қилди.
Мухолиф куч – Демократик тараққиёт партияси етакчиси ва номзоди, 58 ёшли Цай Инвэннинг сайловда ғалаба қозониш эҳтимоли юқорироқ баҳоланмоқда.