Бироз олдин ижтимоий тармоқларда “Жўрабек” жомеъ масжидининг лойиҳаси пайдо бўлган эди. Ушбу суратларда “Жўрабек” жомеъ масжидининг тасдиқланмаган лойиҳаси акс этган бўлиб, ҳозирда масжиднинг янги лойиҳаси устида ишлар олиб борилмоқда. Бу ҳақда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита бўлим бошлиғи М. Йўлдошев Kun.uz сайтига маълум қилди. 

Маълумот учун, 2015 йилнинг 26 апрель куни, тунги соат 02:00 да Тошкент шаҳрининг Яшнобод тумани, Фарғона йўли кўчаси, 51 уйда жойлашган “Жўрабек” номли жомеъ масжидининг том қисмида, кучли шамол натижасида масжид томидан ўтган электр симларининг қисқа туташуви оқибатида ёнғин содир бўлган эди.