“Қизилқумцемент” АЖ 2015 йилда лойиҳавий қуввати йилига 40,5 минг куб метрни ташкил қилувчи темирбетон плиталар ишлаб чиқариш жараёнини ўзлаштиради.

Компаниянинг хабар беришича, 4,4 млн долларлик лойиҳа корхонанинг ўз маблағлари ҳисобидан амалга оширилмоқда.

Ўзбекистонда энг йирик цемент ишлаб чиқарувчи завод ҳисобланадиган “Қизилқумцемент” 176 млрд сўм соф фойда билан 2014 йилда даромадлилик бўйича Ўзбекистондаги корхоналар орасида рекордчи бўлди.

2013 йилда корхонанинг соф фойдаси 225,9 млрд сўмни ташкил қилган эди.

2014-2016 йилларда корхона ўз маблағлари ҳисобидан 39,6 млн долларлик модернизациялаш дастурини амалга оширмоқда.

Дастурда уч йил ичида йилига 500 минг тонна қувватга эга янги цемент тегирмони қурилиши, клинкер техник линияларининг модернизацияси, 220/10 кВ ли бош подстанциянинг қурилиши кўзда тутилган.