ALSKOM суғурта компаниясида 2015 йилнинг биринчи ярми якунлари бўйича директорлар кенгаши йиғилиш бўлиб ўтди. Бу ҳақда “Хабар” газетаси ёзмоқда.
Йиғилишда компанияда суғурта тушумларининг таъминланиши, суғурта даъволарини бартараф этиш, ҳудудий филиалларда иш сифатини яхшилаш, ходимлар меҳнат унумдорлигини ошириш ва компания фаолиятига боғлиқ бошқа масалалар кўриб чиқилди.
Жорий йилнинг биринчи ярмида жами йиғилган суғурта мукофотлари ҳажми ўтган йилнинг шу даврига нисбатан 145 фоизга, суғурта мажбуриятлари ҳажми 152 фоизга, суғурта шартномалари сони 121 фоизга ўсган. Ҳисобот ойида жами 2 025та суғурта даъволари бўйича суғурта қопламаси тўпланди.
Шунингдек, ҳудудий тармоқни янада кенгайтириш мақсадида 11та бўлинма ташкил этилгани маълум қилинди.
Бугунги кунда компаниянинг ҳудудий тармоғи 15 филиал ва 90 бўлинмани ташкил қилади.