Британиянинг Фархэм шаҳрида жойлашган клиника 99 ёшли Дорис Эйлингга ҳомиладорлиги ҳақида маълумот берди. Бу ҳақда The Sun нашри ёзмоқда.
“Мен деярли 100 ёшдаман, қандай ҳомиладор бўлишим мумкин?”, – ҳайрон қолади Эйлинг хоним. Айтилишича, шифохонадан берилган хатда унинг ёши тўғри кўрсатилган.
“Менинг 3 фарзандим ва 20 набирам бор, аммо мен 70 йилдан бери ҳомиладор бўлмаганман”, – сўзида давом этди кекса аёл.
Шифохона расмийлари ушбу мактубни “камёб маъмурий хатолардан бири” деб тан олди.
“Жуда қизиқарли, – деди аёлнинг 76 ёшли ўғли Брайан. – Мириқиб кулдик”.