19 июль куни Бразилия пойтахтидаги "Маракана - Марио Филью" ўйингоҳида "Флуминенсе" жамоаси машҳур футболчи Роналдиньони ўзининг янги аъзоси сифатида таништирди.

Бу маросимни томоша қилиш учун минглаб футбол мухлислари ташриф буюришган.

Эслатиб ўтамиз, ушбу 35 ёшли футболчи ўтган ҳафтада "Флуминенсе" жамоаси таркибига эркин агент мақомида ташриф буюрганди. У янги жамоасида 10 рақами остида ҳаракат қилади.

У ўтган мавсумда Мексиканинг "Керетаро" жамоаси сафида ўйнади ва янги мавсум арафасида унинг Туркияга, "Антальяспор" жамоасига келиши ҳақида хабарлар тарқалганди. Лекин Роналдиньо туркларнинг таклифига кўнмаган ҳамда Бразилияда ўзининг фаолиятида янги саҳифа очишга қарор қилган.