Нью-Йоркдаги Кеннеди номли халқаро аэропортда жониворлар учун терминал қурилмоқда. New York Daily Post газетасининг ёзишича, лойиҳанинг умумий қиймати 48 млн долларни ташкил қилади.
Янги мажмуа пайғамбар Нуҳнинг кемаси шарафига The ARK деб аталади. У 2016 йилда очилади. Таъкидланишича, бундай терминал дунёда биринчи марта қурилмоқда.
The ARK йилига 70 минг жониворни қабул қилади. Сигирлар ва отларга иқлим бошқаруви тизими билан жиҳозланган катаклар таклиф қилинади, итлар эса телевизорли хоналарда дам олиб, массаж олишлари мумкин бўлади. Шунингдек, пингвинлар учун махсус майдон бино этилади. Барча жониворларга тинимсиз тиббий ёрдам кўрсатилади.
Мажмуа карантиндаги ёки юк бўлинмасида саёҳат қилаётган жониворларга хизмат кўрсатади.