"Барселона" жамоасининг янги харидларидан бири Арда Турон 2016 йилнинг январигача бўлган муддатда бошқа жамоага ижарага берилмайди. Бу ҳақда жамоа бош мураббийи Луис Энрике маълум қилган.

"Турон январгача таркибимизда ҳаракат қила олмайди. Бу биз учун яхши ҳолат эмас. Лекин бу муддат ичида у жамоа билан машғулотларда қатнашишда давом этади. У ижарага бериб юборилмайди. Бу масалани бошқа муҳокама қилмаймиз", дейди Луис Энрике Marca нашрига берган интервьюсида.

Маълумот учун, ФИФА "Барселона"га қўллаган тақиқ бўйича жамоа 2016 йилнинг январигача янги ўйинчиларини майдонга тушира олмайди. Ташкилот бу жамоани трансферлар сиёсатида қинғир йўллардан фойдалангани, вояга етмаган футболчиларни ўз таркибига қўшиб олгани учун жазолаган.