Охирги 10 йил ичида Ўзбекистонда ўсишида туғма нуқсони бор болалар туғилиши 1.3 баробарга қисқарди. Бу ҳақда соғлиқни сақлаш вазири Анвар Алимов Ўзбекистонда педиатрияни ривожлантириш масалаларига бағишлаб ўтказилган матбуот анжуманида баёнот берди.
“6-15 ёшли болалар орасида ўткир юқумли касалликларга чалиниш 34.4, пневмонияга чалиниш 49.7, бронхитга чалиниш 32.7 фоизга камайди”, – унинг сўзларини келтиради “Правда Востока”.
Шунингдек, тадбир доирасида Республика ихтисослаштирилган педиатрия илмий-амалий тиббий маркази директори, тиббиёт фанлари доктори Д. Аҳмедова туғма ёки орттирилган хасталикларнинг олдини олиш борасида тақдимот ўтказди.