2015 йилнинг 1 июль ҳолатига кўра Россиядаги Тожикистон фуқаролари сони ўтган йилнинг шу даврига нисбатан 20 фоизга камайди. Тожикистон меҳнат, муҳожирлик ва аҳоли бандлиги вазири Сумангул Тағойзоданинг маълумот беришича, бунга Россиядаги иқтисодий инқироз ва муҳожирлик қонунчилигининг қаттиқлаштирилиши сабаб бўлган.
Айтилишича, ҳисобот даврида Россия ҳудудида 1 000 543 Тожикистон фуқароси бўлган. Жорий йилнинг биринчи ярми давомида келганлар сони 638 900 кишини ташкил қилган. 2014 йили расмий органлар Россиядаги тожикистонликлар миқдорини 1.2-1.3 млн киши деб баҳолаган эди.