Туркиянинг Сурия билан чегара қисмида жойлашган Суруч шаҳридаги кафелардан бирида портлаш содир этилди ва камида 25 киши ҳалок бўлди.

РИА Новости нашри маълумотига кўра, бу кафе шаҳар марказида, маданият уйи ёнгинасида жойлашган бўлиб, бу ерда Кластер бомбаси портлатилган.

Хабарда таъкидланишича, яна ўнлаб кишилар жароҳатланган. Портлашдан сўнг ёнғин келиб чиққан.
Бу ҳодиса бўйича расмий баёнот берилиши кутилмоқда.

Қайд этиш жоиз, бу портлаш Туркияда шу куннинг ўзида амалга оширилган иккинчи нохуш ҳодиса ҳисобланади. Бироз олдинроқ, Истамбул шаҳрида номаълум шахс одамларга қарата ўт очиши натижасида 5 киши жароҳатланган, жабрланувчилардан бири сайёҳ экани аниқланганди.